JARDUNBIDE EGOKIAK 08-09 Jardunaldiak

ZORIONAK… ETA ESKERRIK ASKO GUZTIOI!

imgm — Sun, 14 Sep 2008 21:50:36 +0000

Eskerrik asko Jardunaldie hauetan parte hartu duzuenoi, entzutera etorri zaretenoi eta bereziki zuen esperientzia gurekin konpartitu duzuenoi. Zuen partaidetzarik gabe ezin izango genukeen lortu.

Eta, zorionak! Ez da erraza publikoaren aurrean jarri eta ordu erdi batean esperientzia bat azaldu. Oso ondo egin duzue. Zuek izan zarete Jardunaldien benetako protagonistak.

JARDUNBIDE EGOKIAK: GURE JARDUNALDIEN BALORAZIOA

b06zuzendaria — Sat, 13 Sep 2008 12:11:20 +0000

Jardunaldietako egun bakoitzaren bukaeran, bertaratutako irakasleei ikusi eta entzundako esperientzien balorazioa egitea eskatu zitzaien. Balorazio orrien ustiaketa egin ondoren honako emaitza hauek jaso dira.

Antolamenduari dagokionean, irakasleen % 80ak saioak oso ondo antolatuta egon direla uste du. Aurkezpenen edukiari buruz, beste % 80 batek ikastetxeko premiekin zuzenki lotuta daudela uste dute, eta % 78ak azalpenak oso argiak izan direla deritzo.

Jardunaldiak ospatu diren egunei buruz, % 82ak uste du eskualdeko irakasle guztiek etortzeko aukera izan dezaten data egokiak direla eta, tokiari buruz, % 85ak uste du eskualde osokoak diren jardunaldiak burutzeko oso toki egokia izan dela.

Entzule guztiek adierazten dute entzun eta ikusitakoak euren ikastetxean berrikuntzak bultzatzeko gogoak piztu dizkiela.

Orokorrean alde baikorrak eta hobetzeko proposamenak idazteko atalean, entzuleen erantzunetan hurrengo hauek aipatu izan dira behin eta birritan:

jardunaldiak oso interesgarriak izan direla, batez ere hurbileko esperientziak entzuteko aukera izan dutelako, eskualdeko ikastetxeetan burutzen direnak, hizlariengana hurbiltzeko aukera ugari, gaien aukeraketa ere egokia izan dela deritze eta behin baino gehiagotan erabilitako dinamika azkarrak azpimarratu dira. Bukatzeko hainbatek antolatzaieleen lana, hizlariek zein zuzen eta landua zuten euren aurkezpena eta partaideen ahalegina aipatu izan dute.

Jardunaldien aurkezpena

b06zuzendaria — Fri, 12 Sep 2008 11:04:59 +0000

Jardunbide hauek iaz ezarri zen derrigorrezko hezkuntzarako oinarrizko curriculumaren zabalkuntza eta prestakuntza saioen barne kokatzen dira. Bertan aipatu eta azaldu diren esperientzi berriztatzaileak B06 Zaratamo Berritzeguneko eskualde osoko ikastetxeak urteetan eta ahalegin handiekin aurrera eramandakoak dira. Beraz, lehenik eta behin zorionak ikastetxe guztiei garatu izan dituzten esperientziak guztiokin konpartitzeko ahalegin berezia egin dutelako.

Berritzeguneko aholkulariok lan honi jarraibidea emango diogu ikasturte honetan zehar, ikastetxeetako berriztapen-gogoeta eta eskaeretan oinarrituta. Ikastetxe bakoitzeko hezkuntza-komunitatearen beharrizanei erantzuna bilatzen, batez ere eskolaren misioa dena hobetzen jarraitzeko, hau da ikasle guztien ikaskuntza prozesua hobetzea.

Begoña Garamendik B06 Zaratamoko Berritzeguneko zuzendariak eta Mikel Agirregabiriak Hezkuntza Berriztatzeko Zuzendariak aurkezpena egin dute. Hona hemen, Mikel Agirregabiriak erabilitako aurkezpena:

EUSKARA DA ESKOLAKO HIZKUNTZA NAGUSIA I Urreta LHI eta Arrigorriaga BHI

normalkuntza — Thu, 11 Sep 2008 12:07:28 +0000

Aurkezpen honen bidez, eskualdeko bi ikastetxeetako normalkuntza teknikariak diren Joseba Ibarretxek (Arrigorriaga BHI) eta Izaskun Gallagak (Urreta LHI), eskualdean azken hamarkadan Ulibarri proiektuaren bidez egin denaren berri eman digute. Aurkezpenaren lehen zatian Ulibarri programa eta 175/2007 Derrigorrezko Curriculumaren arteko loturak azaldu dira. Ikastetxeek nola gazatzen ari diren egin-behar horiek eta zer nolako emaitzak jasotzen ari diren. Bigarren zatian, ordea, hezkuntza komunitate osoaren inplikazioaz jardun dute. Ikastetxez gain, herrietako beste hainbat eragileen partaidetza eta elkarlana aipatu eta azpimarratu dira.

Hona hemen egindako aurkezpena.

EUSKARA DA ESKOLAKO HIZKUNTZA NAGUSIA II Lemoa LHI eta Arratia BHI

normalkuntza — Thu, 11 Sep 2008 12:06:08 +0000

Aukerzpen hauetan Normalkuntza proiektuen beste atal edo eginkizun batzuek aurkeztuko dira. Ulibarri programan bidez ikastetxeetako hezkuntza komunitatean eginten den euskararen erabilera bultzatzen da. Helburu horrekin, hainbat ingurutan normalkuntza proiektuko edukiak lotura zuzena izaten dute Curriculum Proiektuarekin. Batik bat euskararen erabilera hornitzeko sarri Euskal Hizkuntza eta Kulturak ematen dizkio edukiak gure proiektuari. Egungo Derrigorrezko Curriculumeko hainbat gaitasun zuzenki lotuta daude ikastetxeetan Ingurumen arloan edota Hizkuntza eta Literatura ikasgaietan lantzen denarekin.

Jon Albizbeaskoetxeak (J.B. Eguzkiza Meabe LHI, Lemoa) Gorbeialdeko nekazal eremuko 11 ikastetxeek azken urteotan garatu duten “Herrik herri” proiektuaren berri ematen digu. Bere aurkezpenean normalkuntza kultura edukiz betetzen du: herrietako ondarea, hizkuntzak, IKTak edota Europako kideekin harremanak.

Hemen ere haien artean osatutako material didaktikoaren adibide batzuk ikus ditzakezue.

Bigarren zatian, Juantxu Rekaldek Arratia Institutuko, normalkuntza proiektua eta Hizkuntza eta Literatura ikasgaiaren inguruan landutako gaitasun eta loturak aurkeztu dizkigu. Geure berbategie izeneko lan hau ere hezkuntza komunitate osora hedatu da ikasleen inplikazioa eta motibazioa lortu nahian. Haiseran Arratiako hizkeraren bilduma egitekoak zirenak, ekinaren bidez, hiztegiaz gain, AK 37 CDaren bigarren argitalpena ere lortu dute, edota AHAZTUAK CDan beste hainbat abeslari famatuekin batera hartu dute parte. Hemen entzun ahal dituzue AK-37ko kanta batzuk (egin klik ondoko ikonoetan):

“Neska Graziosa Batek Dimako Herrian”

“Viva la Quinta Brigada”

Lan horretan zebiltzaten bitartean, Arratia Konpaniak, 1937an, Santa Ageda abestu zuten bezala berriz egitea bururatu zitzaien. Hona hemen erreportai txiki bat.

| View Show | Create Your Own

Amaitzeko beste kanta bat oparitzen dizuegu

“Obabatxoa lo ta lo”

HIZKUNTZA TRATAERA BATERATUA LEHEN HEZKUNTZAN Gandasegi LHI eta Zaratamo LHI

gloriarey — Thu, 11 Sep 2008 12:05:48 +0000

Itxaro Zaballak (Gandasegi LHI) eta Rakel Agirrezabalak (Zaratamo LHI) Hizkuntza Tratera Bateratua landu izan dute urteetan euren ikastetxeetan Prestakuntza eta Berrikuntza proeiktuen bidez. Aurkeztu diguten materiala, beraz, urteetako eskarmentuaren ondoren ekoiztutakoa da, alderdi teorikoa eta praktikoa uztartuz egindakoa.

Aurkezpenaren tartea laburregia da ekoiztutako material osari bistadizoa eman ahal izateko, dena den, denon eskura daukagu Berrikuntzako helbidean bai gure lankide biek ekoiztutako LH bigarren ziklorako ikastunitateak: “Ikertzaileak gara” eta “¿Qué voy a ser de mayor?”, zein lehendik beste irakasle batzuek apaildutakoak lehen ziklorako: “Elkar ezagutu” eta “Indarkeriak baztertzen”; eta laster izando dugu ere hirugarren ziklorako “Bazterkeriaren aurka” izenekoa.

Dakizuenez, ikastunitate hauek abain jarri nahi duen irakasle taldeak Berrikuntza proiektua aurkez dezake, une honetan zabalik dagoen deialdian, eta HTB programaren aholkularitza eta jarraipena izango du. Azalpen gehiago nahi izatekotan, Berritzegunera jo.

Hona hemen Itxarok eta Rakelek erabilitako aurkezpena

HIZKUNTZEN TRATAERA BATERATUA BIGARREN HEZKUNTZAN Arrigorriaga BHI

imgm — Thu, 11 Sep 2008 12:04:16 +0000

Curriculum Berrian hiru hizkuntzetako curriculum bateratua daukagu, eta legean hizkuntza guztiei tratamendu bateratua ere eman behar diegula agintzen du. Horrek aldaketa suposatzen du: alde batetik, antolakuntzan (koordinazioaren beharra), eta beste aldetik ,metodologian (ikuspuntu komunikatiboa ezinbestekoa da). Baina hau ez da guztiz berria, irakasle batzuk badaude bide hau jorraten.

Lehen Hezkuntzako esperientzia ikusi dugu. Orain Bigarren Hezkuntzakoa.

Aurreko kurtsoan, Felix Bilbaok eta Joseba Zabalak (Arrigorriaga BHI), beste kide batzuekin batera, Hizkuntza Tratera Bateratua ere landu dute institutuan. Hizkuntzen Trataera Bateratua Programatik sortutako Unitate Didaktiko integratu batzuk Euskara eta Gaztelania arloetan, era koordinatuan, praktikan jarri dituzte DBHko 2. eta 3. mailetan.

Biek oso esperientzia interesgarria izan dela azpimarratu dute . Alde batetik, lan honek eskatzen duen metodologia aldaketa lortu dutelako, eta beste aldetik, hiru hizkuntzetako departametuen arteko koordinazioa bultzatu egin dutelako.

Hona hemen Felixek eta Josebak erabilitako aurkezpena

*(arazo teknikoengatik bideoa ez dago zintzilikatuta baina laster egongo da argitaratuta)

PORTFOLIOA Unkina LHI

gloriarey — Thu, 11 Sep 2008 11:59:17 +0000

Portfolioa Ikaskuntza, Irakaskuntza eta Ebaluaziorako Europako Hizkuntzen Erreferentzia Markoan dauka iturburua Ana Arandiak azaldu zigunez, tresna erabilgarria da irakasleontzt, bertan deskribatuta baitaude ikaste prozeduan daudenen trebeziak, mailaz maila.

Hizkuntzen Portfolio Europarra hizkuntzen ikaskuntza bultzatzeko eta laguntzeko egina dago. Bere xedea hauxe da: hizkuntzaren bat ikasten ari den horri laguntzea ikasketa hori hobetzen eta ongi bideratzen, bai ikastaroren bat egiten ari bada eta bai bakarka ikasten ari bada ere. Era berean, hizkuntzez eta kulturez dituzun ezagutzak besteri erakusteko balioko dizu. Eskolan zein eskola kanpoan ahal da erabili.
Norbera da Portfolioren jabea eta bertan hizkuntza esperientziak zein ezagutzak jasotzen dira.

Anak Unkinako ikastetxean portfolioari eman dioten erabilera aurkeztu digu, irakasleen arteko koordinazioa areagotzeko, hiru hizkuntzetarako jokabide ildo adostuak erabiliz, eta ikasleak autoebaluazioan trebatzeko kontrol orriak eta lorpen adierazleak baliatuz.

IKTen APLIKAZIO DIDAKTIKOA: WEBQUESTAK Urbi BHI eta Fray Juan de Zumarraga BHI

imgm — Thu, 11 Sep 2008 11:58:43 +0000

Curriculum Berrian, oinarrizko gaitasunen artean, Informazioa tratatzeko eta Teknologia Digitala erabiltzeko Gaitasuna dugu. Gaitasun hau Ikasleengan garatu behar dugu, beraz gure gelako lanean, arloetan, IKTak txertatu behar ditugu.

Egia da Interneta gero eta gehiago erabiltzen dugula informazioa bilatzeko, eta ikasleei erabiltzeko eskatzen diegula. Baina unibertso zabalegia da interneta beraren aurrean ikasleak bakarrik uzteko, ezta?. Internetek eskeintzan dizkigun baliabideak era antolatua eta gidatuan aurkeztu behar dizkiegu ikasleei benetako ikasketa lortzeko. Helburua zera da: informazioa bilatzen, aukeratzen eta eraldatzen ikastea testuinguru zehatz batean aplikatzeko. Bide honetan webquesta oso tresna eraginkorra izan ahal da. Karmele Lopez de Abetxukok (Urbi BHI) eta Ana Belen Vegak (Fray Juan de Zumarraga BHI) webquestak erabiltzen eta sortzen izan duten esperientzia kontatu digute. Biek Currulum Desberdinetako taldeetan egiten dute lan, Gizarte Hizkuntza Eremua lantzen. Urteetan ere ibili dira Berritzeguneko CD MIntegian. Lan talde honetan, azkenengo urteetan, IKTen aplikazio eta erabilpenean aritu gara bereziki: webquestak, blogak, wikiak… Hemen ikusiko duzuen lana honen ondorioa izan da.

Hona hemen aurkezpena:

Helbide honetan topa ditzakezue haiek egindako webquestak. Betse aldetik, gure mintegiko blogean ikusi ahal dituzue haiek sortutako blogak eta beste jarduerak ere. Haien artean Ana Belenek blog bat erabiltzen egin zuen sekuentzia didaktikoa: El último samurai. Lan hau, hain zuzen ere, Ana Belenek aurkeztu zuen ekainaren 30ean Berritzegunean antolatu genuen Ikasblogak 08 Jardunaldian. Jardunaldiaren blogean bere aurkezpena ikusi ahal duzue eta helbide honetan bere interbentzioa grabatuta.

BLOGA INGELESA LANTZEKO.- San Antonio LHI

mariluzq — Thu, 11 Sep 2008 11:57:39 +0000

Here you are an example of how blogs may be integrated into the English classroom. Even if it may sound a bit far away from our daily practice, children feel quite at ease using internet and blogs to look for activities they need and write their comments and communicate with each other. Blogs may be used in many different ways and we’ll go on working on that and other ICT topics in our Ingelesa eta IKT seminar . As Rosa explained to us all, San Antonio school blog includes links to other schools blogs and that way experiences may be widely shared!